تامر حسني "والله أنا مش عامل شيخ كل الحاجات مريت بيها

صرح الفنان تامر حسني عبر صفحته علي الفيس بوك أنه مش عامل شيخ وكل الحاجات اللي بقولها انا مريت بيها 

والله والله اللي بيقوله صح أنا مش شيخ ولا عامل بنصح أنا بتكلم عن حاجات مريت بيها في حياتي و كانت من أسباب وصولي لحلمي إتمسك بالصلاه أيا كنت بتعمل إيه و اوعى تقول ربنا مش هيقبل صلاتي واوعى تصدق اللي يقولك كده اوعى تحكم إنت على ربنا وتشك في رحمته إنه مش هيقبل لا لااااااا دا غلط كبير ربنا أكرم و أرحم من ما تتخيل و مهما أي غلط بتعمله مسير صلاتك تخليك تقلل أخطاء و واحده واحده لحد ما تبقى في المسار السليم اللي برضو هيكون فيه أخطاء ولكن أقل ويتبعها إستغفار و تصدق و توبه حتى لو رجعت تاني لنفس الأخطاء و رجعت عاشر ومليون إرجع تاني و مليون لربنا وأطلب منه العفو و المغفرة المهم تخليه قدام عينك طول حياتك ... خلوا بالكوا في أفكار بتسوق العالم ناحية إن الشخص المتدين أو الملتزم أو اللي محافظ على صلاته إنه يتكسف يقول ده قدام الناس لان ممكن أصحابه يضايقوه بالكلام بما إن الجانب الشيطاني بقى قوي أوي في العصر ده بس إحنا لازم نقاوم النوع ده من الفكر ونفتخر إننا بنصلي و بنركع لواحد بس و هو الله سبحانه و تعالى و مهما علي شئننا و مهما عملنا ذنوب بتركع برضو و بنتوب و نستغفر ونشكره على كل حال و نطلب منه اللي بنحلم بيه و نثق إنه هيرزقنا إذا كان بيرزق الجنين في بطن أمه و النمله في جحرها والطيور في السما.

يذكر أن الفنان قد صرح قبل ذلك في برنامج هالة شو مع الإعلامية هالة سرحان أنه لا يتمني أن يقابل الله وهو مغني 

يذكر أيضا أن الفنان تامر حسني بدأ مسيرته الفنية عام ٢٠٠٢ مع شركة فري ميوزك بألبوم مشترك مع شرين ومن ساعتها انطلق عليهم الثنائي تامر وشيرين وفي عام ٢٠٠٤ أطلق له أول البوم بإسم حب وتم تصوير له كليب أغنية قرب حبيبي