شاهد عيان يروي قصة طالبة جامعة الزقازيق 

إقرأ أيضا ماذا يحدث فى جامعة الزقازيق 

 هحكيلكم قصة حدثت منذ ساعة تدل على أن حقارة البشر وصلت لحد متتخيلهوش 

طالبة ف كلية العلوم جامعة الزقازيق فوجئنا بسقوطها وسط الطالبات من الدور الخامس مبنى الرياضيات بالكلية 

الكل صامت واقف مصدوم محدش فكر يصور من كتر الصدمة في اي 

-اطلب الاسعاف يعم فلان ي امن ياللي بتمسك ف بنطلوني المقطوع

=لا اتصلوا ي طلبة انتوا !

-طيب ي اسعاف البنت بتموت 

=لا هنيجي بعد نص ساعة تكون اتصفت 

-طيب ي ممرض ياللي ف عربية الاسعاف انزل جيبها 

=لا يعم دي مايتة خلاص خدوا العربية وشيلوها يا بنات 

ـشوية الشباب واقفة معترضة على سلوك العاملين اللي سايبين البنت تموت 

=كلام احد رجال الكلية(امسح الدم يبني يلا) 

فعلا!! مفيش شعرة تتهز لموت بنت!!؟ امسح الدم؟؟ 

بعض الشباب جم يصوروا الدم وما يجري بجانبه عادي 

لا الاتحاد الموقر يمسكهم عاوز يضربهم ويمسك الفونات منهم ويزعق؟ انت مين اصلا؟؟ لا وتمسح الدم(مسرح الجريمة) لا براڤو براڤو 

-البنت توصل للمستشفى (بالمناسبة دقيقة من الكلية مشي وبوابتها ف بوابة الكلية وتدخلها من بوابة الكلية) لا مش هندخلها طوارئ الا مع ضامن! ضامن ف واحدة بتموت ف الجامعة!! مفيش ولا عامل او دكتور يضمنها ويلحقوها!! تلت ساعة قبل طلب الاسعاف ونص او تلت كمان ف وصلوه وع ما وصلت فيها تلت كمان وتتاخر ف المستشفى نص كمان خلاص البنت تتحط ع الاكسجين وتبقى ميتة 

وكل ده مفيش اي ريأكشن 

الشباب وهي بتصور يتقال عليهم من بنات معدومي الضمير ده بيصوروا عشان يطلعوا ريتش ع قفاها؟ انتي مفكرة كلوا منزوع الضمير ياللي بنت زيك بتموت وانتي بتضحكي؟ الله يعينك ع قسوة قلبك بجد 

حسبي الله ونعم الوكيل ف اللي محاولش يساعدها او اللي اذاها بكلمة او بفعل 

ارتاحوا هي خلاص عند الديان ورب العالمين 

وافتكروا انكوا هتيجوا يوما ما منفردين واننا ك طلبة هنقف كل واحد خصيم أمام الله ضدكم وساعتها بقا هنقتص منكم لأجل البنت المسكينة دي 

رحمك الله وغفر لكي دون ان نعرفك ولكن ظهر من يقول عليكي كانت محترمة وشاطرة وينفي انك انتحرتي 

تنتحري ازاي واللي واقف قال وقعتي ع ضهرك حسبي الله